Traité d'Alchimie, Rodolphe II

Traité d'Alchimie, Rodolphe II, Pagina 6, Intestazione, XVI Secolo, Tedesco, 1577 - 1799, Codice: btv1b10038035t.

Trascrizione:

Das gegenn-
württig büechel wirt
genant Splendor
Solis oder Sonnen-
glanntz, Tailtt sich Jnn
Siben Tractat Durch
wellich beschriben würdt
die Künstlich Würckh-
ung deß Verborgenen

Traité d'Alchimie, Rodolphe II, Pagina 8, Figura I: "Arma Artis", XVI Secolo, Tedesco, 1577 - 1799, Codice: btv1b10038035t.

Traité d'Alchimie, Rodolphe II, Pagina 10, Prefazione, XVI Secolo, Tedesco, 1577 - 1799, Codice: btv1b10038035t.

Trascrizione:

Vrsprung standt wesen nemen aus der Erden
nach ordnung der zeit, so die einflüß der Ge-
stirn oder Planeten, Alsida seint Sonn vnnd
Mon vnd die andern mit sampt den Vier Qua-
liteten der Element, die sich ohne vnderlas bewe-
gen, darinn würckhen, dardurch herfür gebracht
werden Aller vnd ieder wachsende vnd geber-
ende ding aines ieden sonderlich geschlecht
vnd gestalt, in aigner Substantz als dan sollich
es im anfang der Beschaffung von Gott dem
Erschaffer geschafft vnd gesetzet worden.
Demnach nehmen auch alle Metall Jhren
begin aus der erden, in einer sondern vnd aignen
Materi zusam geflossen, aus den Vier aigenschaff-
ten der vier Element, mit einpflantzung der Me-
tallischen kräfft vnd ihre samtlichkeit von denn
einflüssen der Planeten darauff dienendt. Alß-
solches wol beschreibt der Natürlich Meister
Aristoteles am vierdten büech Metheorum da
Er redt, wie dz Quecksilber seij ein gemeine ma-
teri aller metall, Aber es ist zewissen, das in der
Natur das erst ist die materi zusamen gehäuffet
auß den vier Elementen, allein nach erkhand-
nuß vnnd Aigenschafft der

Traité d'Alchimie, Rodolphe II, Pagina 12, Figura II: "Eamus Quesitum Quatuor Elementorum Naturas", XVI Secolo, Tedesco, 1577 - 1799, Codice: btv1b10038035t.

Traité d'Alchimie, Rodolphe II, Pagina 11, Trattato I, XVI Secolo, Tedesco, 1577 - 1799, Codice: btv1b10038035t.

Trascrizione:

Hernach volgt zu reden vom
Vrsprung des Steins der Altten Weisen
vnd wie der mit kunst vollbracht
wirt

Der Erst Tractat.

Diser stein der Weisen würdet fürbracht durch
den weeg der grüenenden Natur dauon redet
Hali der Philosophus sprechendt. Diser
Stein geet auf sam wachsende vnd grüenen-
de ding. Wann warumb grönnen ist wider
hinder sich gebracht auff die Natur, dardurch
ein ding sprosst vnnd herkhombt vnd grüenenn
würdt in seiner vergeordneter zeit, auff dz mües
man es durch den weeg vnd haimlichkait der
Kunst khochen vnd feüln, Also, das
man durch kunst der Natur hilff thuo, Die
kocht dann vnnd feülltt für sich selbs, Biß so
lanng, daß Sie Jhrer zeitt die

Traité d'Alchimie, Rodolphe II, Pagina 15, Trattato I, XVI Secolo, Tedesco, 1577 - 1799, Codice: btv1b10038035t.

Trascrizione:

Natur der khunst vnd herwiderumb die kunst der
natur mit zimblichem werckhzeug vnd mit maß
solcher würckhung vnd weiß, so der natur bequemb
ist, das ein solche forma gemacht würdet, vnd wie-
wol das mueß mit kunst zugehen das der obgemelt
Stein zü seiner forma durch kunst kombt, Noch-
dann ist die forma von der natur, dann ein iedlich
wesentliche forma eines ieden dings, Es seij Tier-
lich wachsendt oder metallisch die entstect aus
Jnnerlicher macht der materi, ohn allein die mensch-
liche Seel. Aber es ist zumerckhen das die wesent-
liche form nit entstehet immar in der Materi es ge-
schehe dann mit würckhung ainer züfelligen
forma, nit auß krafft derselben sonder auß krafft
einer andern würckhlichen Substantz, welliche
ist das feuer, oder ein andere zufällige wirm, die
würckht das nehmen wir ein gleichnus vom
ainem Aÿ der henn in dem entstehet nit die wesen-
liche forma deß hüenlins an die züfellig forma, die
da ist ein vermischung des Rothen vnd weissen
im krafft der wirm so in das Aÿ würckhet, das ist
von der bruettenden hennen, vnd wiewol das Aÿ
ist die materi der henn, noch dann entstehet nitt
daruon die form die wesentlich oder zufellig dan
durch die feüllung die geschicht mit hilff der wirm

Traité d'Alchimie, Rodolphe II, Pagina 17, Trattato I, XVI Secolo, Tedesco, 1577 - 1799, Codice: btv1b10038035t.

Trascrizione:

thail zusamen heltt, Vnnd das ist aigentlich
ein zerreihung, So aber die feücht gantz von
dem Truckhnen geschiden ist, so werden von nöt-
ten die truckhnen tail gesöndert vnd gekhertt
in ainen Aschen die Jncineratio wellen auch
die Philosophi nit haben sonder sie wellen dz ihr
feülung, ihr eintzenckhung zerreihung vnnd
Calcionierung also geschech das die Natür-
lich feüchte vnd truckhne miteinande ver-
ainiget von vberflüssiger feuchtigkeit gesün-
dert vnd truckhnet die Zerstorlich sind außge-
zogen werde, gleich als die Speiß, so ainem
Thier in pauch komet gekocht vnd zerstört
wirdet vnd daraus gezogen die nerende kraft
vnd feuchtigkeit daruon die Natur enthalt
ten vnnd gemehret wirdet, vnd ihre vberflüss-
ige tail abgesundert werden. Aber
iedoch so wil ain iedlich ding gespeist sein
nach aigenschaft seiner Natur, das sol vor-
auß in dem obgemeltten Stein der Philoso-
phi angemerckht sein.

Traité d'Alchimie, Rodolphe II, Pagina 18, Figura III: "Ex Duabus Aqui Unam Facite, Qui Quaeritis Sole Et Luna Facere Et Date Bibere Inimico Vino. Et Videbitis Cum Mortuum. Deinde De Aqua Terra Facite, Et Lapidem Multiplicastis", Dettaglio, XVI Secolo, Tedesco, 1577 - 1799, Codice: btv1b10038035t.

Traité d'Alchimie, Rodolphe II, Pagina 20, Trattato II, XVI Secolo, Tedesco, 1577 - 1799, Codice: btv1b10038035t.

Trascrizione:

das will auch Ferarius in der frag von der Alchi-
mia am fünff vnd zwaintzigsten Cap: Das die na-
tur von anbegin der Metallen gebürt nimbt ihr
für ein schleimig schwehr wasser vermischt mitt
gar weisser behender Schwebliger Erden die resoluirt
das in ein brodem oder dünst vnd erhebt das in den adern
oder griefften der Erden kocht oder deüet sie zu hauff
föstiglich die feuchtigkeit vnd truckhenheit also mit
einander veraints biß daraus wirdet ein Substantz,
die man nennet Quecksilber, vnd das ist nun die
aigen vnd aller negst Materi der Metall, alß auch
oben gemelt ist: Darumb redet er abermals am
dem sechs vnd zwaintzigsten Cap: so Er spricht, die
da wellen nachuolgen der Natur, die sollen nichtt
nemen Quecksilber allein, sonder quecksilber vnnd
Schwebel miteinander zuhauff gefüegt nit deß ge-
meinen quecksilbers vnd schwebels sonder den die
Natur zuhauff gefüegt hat wolberait vnd wolge-
kocht in süesser flüssigkeit in einem solchen Queckh-
silber hat die Natur mit erster würckhung ange-
fangen vnd geendet in ain Metallische natur vnd
damit hat sie auffgehört, dann sie hat das ihr vol-
bracht, vnd also der kunst gelassen denselben züuol-
enden in einen volkomen Stein der Philosophi. Jn

Traité d'Alchimie, Rodolphe II, Pagina 22, Trattato II, XVI Secolo, Tedesco, 1577 - 1799, Codice: btv1b10038035t.

Trascrizione:

Khünig geziert vnd gekrönet werden wiewol diser Mer-
curius allein die Materi vnd ein ainiges ding ist vnd
an vermischung anderer ding so ist doch das ding also
gemanifaltiget in seiner würckhung vnd in seinem
Namen, das sich niemandt darauß richten kan, vnd
das ist darumb alß da spricht Rosinus, auf dz nit ein
ieder darzu kommen mecht. Es ist auch zu gleich
erweiß ein weeg der würckhung vnd ein vaß welches
sich alles vilfelttiget von wegen der vergleichung aller
der so in der Natur begriffen werden, dann ietzt reden
die Philosophi, Soluir das ding, Jtzt Sublimir, vnd den
Distelir, Coagulir, machs aufsteigen, machs nider-
steigen, Trenck es ein, truckhen es ab, vnd der schickh-
licheit, die sie nennen seind vnzehlig viel, welche doch
alle ainsmahls miteinander vnd in einem gefäß
vollendet werden. Das bericht Alphidius
sprechendt, Dü solt wissen so wir Soluiren so Subli-
miren wir auch, vnd Calcioniren an vnderlaß der
zeitt. Wir rainigen vnd züefüegen vnser werckh
Vnd Er redet weit also. Wenn vnnser Corpus
wirdet geworffen in das Wasser, das es außgelest
werde, so wirdets baldt Schwartz vnnd schaidet sich
vnd wirdet zu einem kalch, Soluirt sich vnd Subli-
mirt sich, Soluirendt vnd Sublimirend wirdets mit
dem gaist verainigt, welches in seinem anfang vnd

Traité d'Alchimie, Rodolphe II, Pagina 24, Figura IV: "Coagula Masculinum - Lac Virginis", XVI Secolo, Tedesco, 1577 - 1799, Codice: btv1b10038035t.

Traité d'Alchimie, Rodolphe II, Pagina 25, Trattato II, XVI Secolo, Tedesco, 1577 - 1799, Codice: btv1b10038035t.

Trascrizione:

Nun Volgt dardurch das gantz
werckh diser Maisterschafft
sich enndet, vnnd würd durch
etlich gleichnus figuren
vmbredt, vnd manigfelttig
Sprichwort der Phi-
losophi ange-
zaigtt . &c.